Sámedikki Dáiddárstipeanda

STIPEANDA OHCAN

Leatgo dus plánat iežat dáiddalaš doaimmaide? Jos leat, de sáhtat ohcat stipeandda čađahit daid. Jahkásaččat juolluduvvojit iešguđetlágan bargostipeanddat ja stipeanddat smávit prošeavttaide/áigumušaide. Loga dárkilabbot makkár dáiddalaš doaimmaid doarjut.

Ođas dán jagi lea ahte sáhtat vurket ohcamuša ja joaŧkit eará beaive bargat dáinna. Muittuhat ahte ohcan goit ferte sáddet ovdál ohcanáigemearri.

Stipeanda lea ohcanláhkai 15.09.20, diibmu 15.00 rájis  gitta 15.10.20, diibmu 24.00 rádjai. Ohcamuš sáddejuvvo (dušše) min elektrovnnalaš vuogádaga bokte.

Registrere iežat ohccin

Leago dus juo konto? Logge sisa dákko.

DIEĐUT JA BAGADUS OHCIIDE pdf

Rávvagat elektrovnnaláš vuogadahkii

Ráhkat geavaheaddjikonto mainna ozat stipeanddaid/doarjagiid “Registrere iežat ohccin” liŋkka bokte. Ráhkat geavaheaddjinama. Geavaheaddjinamas fertejit leat unnimusat 4 mearkka, dušše bostávat dahje tállat (ii sáhte leat stuorra bostávat). Čále e-poastačujuhus. Deaddil boahtte. Dutnje boahta dál liŋka mas gávdnat dovddaldaga (passasátni). Kopiere ja liime dan.

Go leat registreren, de deavdde skovi . Go ohcagoađat de it sáhte gaskkalduhttit go ohcanskovvi ii vurkejuvvo.

Čuovo rávvagiid maid gávnnat Dieđut ja bagadus ohciide  vuolde.  Fuomáš, ahte ohcamuš ferte sáddejuvvot maŋimusta 15.10.2020, nappo vuogádat giddana dii. 24.00 (Norgga áiggi). Jus dárbbašat bagadusa ohcama oktavuođas de čuojat +47 78467006.

NJUOLGGADUSAT SÁMEDIKKI DÁIDDÁRSTIPEANDA

RAPORTEREN

Jus dutnje lea juolluduvvon doarjja, de sáhtat luđet raportaskovi  ja sáddet dan e-poastta bokte stip@samidaiddar.no dahje poastta mielde čujuhussii Sámi Dáiddárráđđi, Poastaboksa 23, N-9735 Kárášjohka.

RAPORTA BARGOSTIPEANDA pdf

RAPORTA BARGOSTIPEANDA docx

RAPORTA STIPEANDDAT MUĐUI pdf

RAPORTA STIPEANDDAT MUĐUI docx