2016 Árbejuoigi bálkkašumi oaččui Biret Elle Láilá/ Laila Somby Sandvik

Juoigiid Searvvi jahkečoahkkimis Čeavetjávrris 04.06.2016.
Bálkkašupmi lea kr 10 000,- duodji ja diploma.

Láilá lea ovddidan luođi dološ vuogi mielde nugo servvoštallamiin, erenoamáš dáhpáhusain, heajain ja eará doaluin. Láillá arenat eai leat leamaš eaige leat stuorra lávddit. Son lea juoiggadan juohke sajis gos leš leamaš ja lea dainna lágiin movttiidahttán earáid juoigat.

Lea somá ja guoibmái gullat Láillá rohtteheamen dološ ja dáláš luđiid. Son máhttá hirbmat ollu luđiid. Su juoigan bostá olbmuid. Šaddá miella juoiggastit ja čuovvolit. Nie lea Láilá čuovvolahttán sihke mánáid, nuoraid, ollesolbmuid ja boares olbmuid juoigat.
Láilá lea áŋgiris juoigi. Ii leat várra nu imaš go diehtá ahte Láilá lea bajásšaddan juoigalas guovllus, Bieskkenjárggas, gos luohti ja juoigan lei ja lea ain dábálaš juohkebeaivválaš eallimis. Nu šattai luohti maiddái lunddolaš oassin Láilái.

Láilá oahpai juoigat dalle go ii galgan juoigat ja dalle go badjelgehčče luođi. Su ruovttus ja lagašbirrasis movttiidahtte ollesolbmot mánáid ja nuoraid juoigat ja čevllohallat luđiin. Sus lei oainnat čeahpes ofelaš, eadnis Biret Elle. Láilá oahpai ahte luohti lea divrras árbi man galgá várjalit ja skeŋket earáide ja erenoamážit maŋisboahtti buolvvaide. Láilá lea vuhtiiváldán rávvagiid ja lea oahpahan luođi earáide ja erenoamážit mánáide ja nuoraide. Oahpahettiin lea Láilá movttiidahttán mánáid ja nuoraid oahppat soga luđiid, danne dat nanne gullevašvuođa. Ná lea son addán luođi ođđa buolvvaide, mii duođašta ahte árbevirolaš luohti ja juoigan eallá boahtte áiggis.

Oktavuohta: JS ovdaolmmoš Biret Ristin Sara, tlf 4811 8771

JuoigiidSearvi175x100

 

 

 

 

JS bivdá miellahtuidasas evttohit “Árbejuoigi” bálkkašumi oažžu.
Njuolggadusaid mielde ferte dat ákkastallot, gč. 4. čuoggá.
Áigemearri sáddet evttohusa oktan ákkastallamiin lea 20.04.2016. Sádde dan deike dahje JS, Ivvar Ivvárgeavli 1, 9730 Kárášjohka/Karasjok.

Luohtebálkkašumi njuoggadusat

1. Juoigiid searvvi luohtebálkkašumi namma lea ”Árbejuoigi”.
2. Luohtebálkkašupmi lea ásahuvvon čálmmustahttin dihtii juigiid geat árvvus atnet ja čalmmustahttet árbevirolaš luođi.
3. Bálkkašupmái evttohuvvo olmmoš/joavku guhte/mii berrešii oažžut Juoigiid Searvvi luohtebálkkašumi ”Árbejuoigi”.
4. Evttohusas ferte čilget manne evttohuvvon olmmoš/joavku berre oažžut bálkkašumi.
5. Ulbmilin lea juohkit bálkkašumi juoigái dahje jovkui guhte/mii lea ovddidan luođi, okto dahje ovttas eará dáiddasurggiiguin dán maŋimuš áiggis.
6. Bálkkašupmi lea 10 000 ru ja 5000 ru dáidda oktan diplomain.
7. Bálkkašupmi geigejuvvo JS jahkečoahkkimis.
8. Sierra lávdegoddi válljejuvvo luohtebálkkašupmái.
9. Bálkkašumi oktavuođas doallá vuoiti konseartta jahkečoahkkimis árbevirolaš luođi vuoiŋŋas.
10. Bálkkašupmi juhkko juohke goalmmát jagi.

 

JuoigiidSearvi175x100

 

 

 

 

Juoigiid Searvi almmuha dál Biret Elle stipeandda.
Stipeandda várás lea njuolggadusat ja ohcanskovvi. Gaskal 18 ja 40 jahkásaš ovttaskas juoigit ja joavkkut sáhttet ohcat.

Almmuhuvvo maiddái “Árbejuoigi” bálkkašupmi masa bivdit evttohasaid oktan čilgehusain manne son/sii evttohuvvojit. Bálkkašupmái leat sierra njuolggadusat.

Eanet dieđut Biret Elle stipeandda ja “Árbejuoigi” bálkkašumi birra ja skovit leat SDR ruovttusiidduin: www. samidaiddar.no.
Sáhttá maiddái jearrat SDR:s dahje čuojahit 784 67006.

Áigemearri ohcat Biret Elle stipeandda ja evttohit “Árbejuoigi” bálkkašumi lea 20.04.2016 deike dahje JS, Ivvar Ivvárgeavli 1, 9730 Kárášjohka/Karasjok

Hva skjer?

10
Ođđj

Vuos Maŋ Gask Duor Bear Láv Sotn
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31