Dál lahkona áigi árvalit sámegiel čáppagirjjálašvuođa mánáid- ja nuoraidgirjjiid 2018 Davviriikkaid Ráđi mánáid- ja nuoraidgirjjálašvuođa bálkkašupmái. Girjjit sáhttet leat poesija, prosa ja dráma. Buktagiin sáhttá ovttastit teavstta ja gova.

Sámi Girječálliid Searvvi (SGS) stivra bivdá lágádusaid sáddet árvaluvvon girjjiid njuolga árvvoštallanlávdegotti lahtuide.

Áigemearri: 20.12.2017

 

Tiden for å foreslå skjønnlitterære barne- og ungdomsbøker på samisk til Nordisk Råds barne- og ungdomslitteraturpris 2018 nærmer seg  Bøkene kan være poesi, prosa og drama. Verk kan kombinere tekst og bilde.

Styret i Samisk Forfatterforeneing (SGS) ber forlagene sende foreslåtte bøker direkte til bedømmelseskomiteen.

Frist: 20.12.2017

 

Árvvoštallanlávdegotti lahtut / Medlemmene i bedømmelseskomiteen:

Inga Ravna Eira                         Rawdna Carita Eira                         Sollaug Sargon

Oalgejotguolbba 1                     Riebanluodda 4                               Ajonjarga 8

9730 Karasjok                           9520 Guovdageaidnu                     9520 Guovdageaidnu

Dát  e-poasta lea sáddejuvvon lágádusaide / Denne mailen er sendt til forlagene.

 

Davviriikkaid Ráđi girjjálašvuođa bálkkašupmi 2018 / Nordisk Råds litteraturpris 2018

Dál lahkona áigi árvalit sámegiel čáppagirjjálašvuođa girjjiid ollesolbmuide 2018 Davviriikkaid Ráđi girjjálašvuođa bálkkašupmái. Girjjit sáhttet leat romána, drámá, diktačoakkáldat, noveallačoakkáldat dahje essayčoakkáldat.

Sámi Girječálliid Searvvi (SGS) stivra bivdá lágádusaid sáddet árvaluvvon girjjiid njuolga árvvoštallanlávdegotti lahtuide.

Áigemearri: 20.12.2017

 

Tiden for å foreslå skjønnlitterære bøker på samisk for voksne til Nordisk Råds litteraturpris 2018 nærmer seg. Det kan være en roman, et drama, en diktsamling, en novellesamling eller en essaysamling.

Styret i Samisk Forfatterforening (SGS) ber forlagene foreslå bøker og sende disse direkte til bedømmelseskomiteen.

Frist: 20.12.2017

Árvvoštallanlávdegotti lahtut / Medlemmene i bedommelseskomiteen:

Sigbjørn Skåden                     Anne Wuolab                         Outi Länsman

Fagerliveien 17                      Norrbäck 64                           Jomppasenploku 2

9007 Tromsø                          92199 Lycksele                      99870 Inari

                                               Sverige                                   Finland

                       

  • 1. Searvvi namma

Searvvi namma lea Sámi Girječálliid Searvi

  • 2. Searvvi ulbmilat
  • ovddidit sámegiel girjjálašvuoða ja sámi girjjálašvuoða čállon eará gielaide, almmuhuvvon bábergirjin dehe almmuhuvvon elektrovnnalaččat
  • ásahit stipeanddaid, foanddaid ja eará ekonomalaš ortnegiid
  • fuolahit sámegiel girjjálašvuoða almmuhanvejolašvuoðaid ja bivdit sámi girjjálašvuođa dili seamma buorren go girjjálašvuođa dilli muđui davviriikkain
  • fállat fágalaš bagadeami buohkaide geat háliidit čállit sámegillii dahje háliidit beassat Sámi Girječálliid Searvvi miellahttun
  • dahkat dovddusin miellahttuidis ja sin dáiddalaš buktagiid
  • ásahit fágalaš ovttasbarggu eará sámi, davviriikalaš ja eará dáiddárservviiguin
  • 3. Miellahttovuohta

Sámi Girječálliid Searvvi miellahttun sáhttá beassat:

  • sápmelaš girječálli gii lea almmuhan čáppagirjjálašvuoða buktaga sámegillii dahje eará gillii

lágádusa bokte, teakstan áigečállagis dahje eará lágán almmolaš (publiserejuvvon) čállagis – ja eará girječállit geat leat almmuhan čállagiid sámegillii seammaláhkái.

  • Teaksta galgá leat unnimusat 50 siiddu. Dat ii guoskka mánáidgirjjiide, lávllateavsttaide

luohtedajahusaide ii ge čállosiidda mat almmuhuvvojit elektrovnnalaš jietnahámis

  • jorgaleaddji gii lea jorgalan sámegillii dahje sámegielas čáppagirjjálaš buktaga man lágádus lea almmuhan. Teaksta galgá leat unnimusat 50 siiddu. Dát ii guoskka mánáidgirjjiide, lávllateavsttaide, luohtedajahusaide ii ge čállosiidda mat almmuhuvvojit elektrovnnalaš jietnahámis
  • čálli geas girjelágádus lea dohkkehan giehtačállosa almmuheami váste. Teaksta galgá unnimusat 50 siiddu. Dat siidogáibádus ii biddjo mánáidgirjjiide, lávllateavsttaide, luohtedajahusaide ii ge čállosiidda mat almmuhuvvojit elektrovnnalalš jietnahámis
  • sámi dehe sámegielat muitaleaddji ja dajahalli gean girjjálaš buktaga lágadus lea almmuhan elektrovnnalaš jietnahámis mii bistá unnimustá 20 minuhta dege dohkkehan dan almmuheami váste

Searvvi stivra mearrida galgá go ohcci dohkkehuvvot miellahttun. Ohcci gean stivra ii leat dohkkehan miellahttun, sáhttá váidalit mearrádusa searvvi jahkečoahkkimii mii vállje sierra lávdegotti mii galgá meannudit váidalusa.

Lahttomávssu sturrodaga mearrida jahkečoahkkin. Ohccit geat leat deavdán 65 jagi ožžot agibeaivvi miellahttovuođa go mákset dan kontingeantta man jahkečoahkkin mearrida dan ahkásaččaide.

Miellahttu sáhttá massit miellahttovuođas jus rihkku searvvi  njuolggadusaid dahje jahkečoahkkin oaidná ahte miellahttu lea vahágahttán searvvi.

Miellahttovuohta loahpahuvvo go ii leat máksán lahttodivada maŋimus rehketdoallojagi. Sihkkojuvvon miellahttu sáhttá ohcat miellahttovuoða oððasit.  

  • 4. Jahkečoahkkin

Jahkečoahkkin lea searvvi alimus mearrideaddji ja vállje stivrra. Juohke miellahttu sáhttá válljejuvvot stivralahttun.

Jahkečoahkkingohččun gaskaáigásaš áššelisttuin galgá sáddejuvvot miellahtuide guhtta (6) vahkku ovdal jahkečoahkkima. Áššit maid miellahtut hálidit gieđahallojuvvot jahkečoahkkimis, galget sáddejuvvot stivrii njeallje (4) vahkku ovdal čoahkkima. Áššelistu buot áššedieđuiguin galgá sáddejuvvot miellahtuide unnimusat guokte (2) vahkku ovdal jahkečoahkkima. Dušše áššit mat dáinna lágiin leat ovddiduvvon sáhttet gieđahallojuvvot jahkečoahkkimis.

Jahkečoahkkin galgá:

  1. Válljet čoahkkinjođiheaddji(id), čálli(id) ja guokte beavdegirjedárkkisteaddji
  2. Dohkkehit stivrra jahkedieðáhusa oktan raporttaiguin
  3. Dohkkehit rehketdoalu
  4. Mearridit miellahttomávssu
  5. Dohkkehit doaibmaplána
  6. Dohkkehit bušeahta
  7. Válljet stivrra, stivralahtuid oktan várrelahtuiguin ja lávdegottiid
  8. Ovddidit jahkečoahkkincealkámušaid  
  • 5. Stivra

Stivra lea searvvi bargguid doaimmaheaddji ja galgá čuovvut jahkečoahkkima mearrádusaid ja doaibmaplána.

Stivračoahkkimis lea mearridanfápmu go joðiheaddji dahje sadjásaš jođiheaddji ja guokte  stivralahtu leat čoahkkimis.

Jođiheaddji dahje sadjásaš jođiheaddji vuolláičálliba searvvi ovddas. Stivra sáhttá  mearredit prokura.

Stivra galgá doallat unnimustá njeallje (4) stivračoahkkima jahkái. Dat sáhttet juogo dábálaš čoahkkimat dehe telefončoahkkimat. Stivralahtut galget oažžut čálalaš áššedieđuid ovdal čoahkkima.

Stivrras galget leat jođiheaddji ja golbma (3) dábálaš lahttu ja várrelahtut geat galget válljejuvvot guovtti (2) jahkái hávil. Juohke jahkečoahkkin sáhttá válljet guokte (2) stivralahtu ja ovtta (1) go ovdaolmmoš galgá válljejuvvot. Sadjásaš stivralahtut eai galgga válljejuvvot persovnnalaš sadjásažžan eará stivralahtuide, muhto ná:

1.sadjásaš stivralahttu, 2.sadjásaš stivralahttu, 3.sadjásaš stivralahttu.

.

  • 6 Bargojoavkut, lávdegottit, ráđit

Jahkečoahkkin dahje stivra sáhttá ásahit erenoamáš bargojoavkkuid, lávdegottiid ja ráðiid. Stivrras lea váldi šiehtadallat searvvi ovddas.

  • 7 Áššemearrideapmi

Stivra-, miellahtto- ja jahkečoahkkimiid mearrádusat dahkkojit dábálaš eanetlogu jienastemiin. Jos jienat juohkásit dássálaga, de galgá jienastuvvot oððasit. Miellahtto- ja jahkečoahkkimiid jienasteamit galget čálalaččat jus guhtege gáibida dan.

  • 8 Miellahttočoahkkin

Miellahttočoahkkin galgá dollojuvvot go stivra dahje 2/3 miellahtuin gáibidit dan.

  • 9 Sierra jahkečoahkkin

Stivra dahje ¼  miellahtuin sáhttá gáibidit ahte galgá dollojuvvot sierrajahkečoahkkin. Gohččun ja áššelistu sierrajahkečoahkkimii galgá sáddejuvvot miellahtuide guokte (2) vahkku ovdal čoahkkima. Čoahkkin galgá meannudit dušše daid áššiid mat leat áššelisttus.

  • 10 Njuolggadusnuppástuhttin

Searvvi njuolggadusaid sáhttá nuppástuhttit jus unnimusat 2/3 jahkečoahkkimis nu gáibidit. Rievdadusevttohus galgá sáddejuvvot stivrii jahkečoahkkima áššiid áigemeriid mielde ja áššedieđut galget čuovvut jahkečoahkkima áššedieđuid.

  • 11 Heaittiheapmi

Sámi Girječálliid Searvvi sáhttá heaittihit jos unnimustá ¾ searvvi miellahtuin nu mearridit čálalaš jienasteamis. Jos searvi heaittihuvvo, de miellahtut galget válljet 3 olbmo heaittihanstivrra mii hálddaša báhcán opmodaga ja vealggi. Báhcán opmodat galgá geavahuvvot sámi čáppagirjjálašvuođa ovddideapmái.

Hva skjer?

10
Ođđj

Vuos Maŋ Gask Duor Bear Láv Sotn
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31