Rabas gaskaboddosaš virgi!

Sámi dáiddárráđđi (SDR) lea oktasaš čállingoddi guđa sámi dáiddárserviide
-juoigit, filbma, -girječállit, -visuálalaš dáiddárat, lávdedáiddárat ja komponisttat. Miellahtut leat sihke norggabeale, suomabeale, ruoŧabeale ja ruoššabeale Sámis.
SDR bargá dáiddárpolitihkalaš beliin buot Sámedikkiin, Davviriikkalaš Ministerráđiin ja eará
riikkaidgaskasaš forumiid ektui. SDR hálddaša maid sámi dáidárstipeanddaid, foandda ja doarjagiid.

Organisašuvdnačálli 100 % gaskaboddosaš virgi

Mii ohcat organisašuvdnačálli gaskaboddosaš virgái.

Barggut leat čállingottebálvalusat, ođasmahttit ja fuolahit min websiiddu, ja eará kántorbarggut. Don berret leat bargan sullasaš bargguin ovdal ja dus berre leat vuđolaš IKT gelbbolašvuohta. Oahppu dáin surggiin lea sávvamis. Buorre gulahallanmáhttu ja ovttasbargoattáldagat deattuhuvvojit.
Lea buorre jus máhtat bargat iešheanalaččat, struktuvrralaččat ja dárkilit. Don berret máhttit sámegiella ja dárogiela njálmmálaččat ja čálalaččat. Bálká šiehtaduvvo. Álgin farggamusat. Virgi bistá 30.06.21 rádjai, lea vejolaš ahte guhkiduvvo.

Eambbo dieđuid virggi birra oaččot beaivválaš jođiheaddjis Biret R. Sara, tlf 48 11 87 71.
Ohcan oktan CVain sáddejuvvo Sámi Dáiddárráđđi, Boksa 23, 9735 Kárášjohka dahje e-poasta bokte leder@samidaiddar.no
Ohcanáigemearri lea 28.12.20.

Virgeálmmuheapmi PDF