Saemien tjiehpiedæjjaraerien barkoe

Saemien tjiehpiedæjjaraerie (STR) tseegkesovveme 1987 jïh STR:n ulmie hijven jïh gellielaaketje saemien tjeahpoejïelemem evtiedidh. Saemien tjiehpiedæjjaraerien barkoe lea raerien jïh lïhtsegesiebriej ekonomijen jïh tjeahpoepolitihken ïedtjh evtiedidh dovne noerhtelaanti beetnehviedtiejidie jïh voernges institusjovnide.

Saemien tjiehpiedæjjaraerie  sekretariaatine barka govhten saemien tjiehpiedæjjaj siebrien åvteste (man joejkijh, filmebarkijh, gærjatjaelijh, guvvietjiehpiedæjjah, scenetjiehpiedæjjah jïh komponisth njieljene rïjhkesne). Dah siebrieh leah joejkiji siebrie (JS), Saemien filmebarkiji siebrie (SFS), Saemien gærjatjaeliji siebrie (SGS), saemien tjiehpiedæjjaj siebrie (STS), Saemien scenen  (SS) jïh Saemien komponisti siebrie (SK).

Saemien tjiehpiedæjjaraerie aaj beetnehdåarjegi baaktoe tjiehpiedæjjaj faageles  åvtanimmiem evtede jïh dåårje . STR Saemiendigkien tjiehpiedæjjastipeendh, tjeahpoefoentem, noerhtelaanti jarkoestimmiedåarjegh jïh Saemien tjiehpiedæjjaj jïh gærjatjaeliji beetnehfoentem reerie. Tjiehpiedæjjah mah eah leah lïhtsegh STR:n lïhtsegesiebrine maehtieh stuhtjem dåarjegijstie hohtjedidh.  Fïerhten jaepien dåarjegeöörnegh  vadtasuvvieh medtie 4-5 millijovni nöörjen kråvnaj åvteste  Saemien tjiehpiedæjjide jïh bertemidie.

Saemiedigkieh Nöörjesne, Sveerjesne, Soemesne jïh noerhtelaanti ministereraerie beetnegh vedtieh Saemien tjiehpiedæjjaraaran  jïh raerie tjeahpoepolitihkine barka  gaajhki saemiedigkiej, noerhtelaanti ministereraerien jïh jeatjah institusjovni muhteste  jïh aaj internasjonaalen daltesisnie barka.

Saemien tjiehpiedæjjaraerie Nöörjen Saemiedigkine latjkoe dovne guhkies jïh åenehks tïjjen tjeahpoepolitihken ulmiej jïh barkoej bïjre. Guhkies tïjjen politihkem mieriedamme laavenjostoelatjkosne  mij njieljie jaepieh jåhta jïh åenehks tïjjen politihkem mierede fïerhten jaepien tjiehpiedæjjalatjkosne. Guhkies tïjjen laavenjostoelatjkosne mieriedamme fïerhten jaepien tjeahpoelatjkoem gïetedalledh jïh vijries tjeahpoepolitihkeles ulmieh jïh eensilaakan stuhtjeulmieh vuartasjidh. Dïhte  tjiehpiedæjjalatjkoe galka fïerhten jaepien dah budsjehtemierieh mieriedidh dåarjegi åvteste mejtie vedtedh Saemien tjeahpoeorganisasjovnide, Saemien tjiehpiedæjjaraaran,  faagebïhkedæjjide, stipeendide jïh vuesiehtimmiedåarjojde.

Jis sïjhth jeenebem daejredh, govlesadtedh mijjem goerem baaktoe jallh:

Sámi Dáiddárrráđđi
Boks 23
N-9735 Kárášjohka
Norway

post@samidaiddar.no
Tel. +47 784 67 006