Njuolggadusat

Sámi Filbmabargiid Searvi/ Samisk Filmforbund

Ásahuvvon: Jáhkečoáhkkimis 11/05-96

Manjimus rievdan:  Jáhkečoahkkimis 20/12-12 ja Jáhkečoahkkimis 08/12-14

§1. Ulbmil

Sámi Filbmabargiid Searvvi ulbmil lea suodjalit ja ovddidit sámi filmma ja sámi filbmafágabargiid beroštumiid.

§2. Miellahtuvuohta

1) Jus áiggut miellahttun, de fertet atnit iežat sápmelažžan ja deavdit unnimusat ovtta dáin čuoggáin:

a.                           Filbmafagalaš oahppu

b.                           Leat oahpu váldime

c.                           Dus lea filbmabargi vásáhus

2) Stivrra dahje 10 miellahtu evttohusa vuođul sáhttá lihttu miellahttojienasteamis go 2/3 eanetlohku addon jienain mearridit lihccut miellahtuid geat eahperehálaččat vuosttaldit lihtu ulbmiliid, bargoprográmma ja eará mearrádusaid. Seamma guoská miellahtuide geat lihtus dahje lihtu olggobealde láhttejit lihtu mielas gutnehemiid ja vahátlaš vuogi mielde.

3) Miellahttun lea son guhte lea máksán miellahttomávssu.

4) Jahkečoahkkin sáhttá nammadit gudnemiellahtu.

§3. Jahkečoahkkin

1. Jahkečoahkkin dollojuvvo jahkásaččat. Almmuheapmi ja áššelistu sáddejuvvo unnimus 4 vahku ovdal. Unnimus 2 vahku ovdal jahkečoahkkima galgá miellahtuide sáddet čuovvovaš áššečilgehusaid maid jahkečoahkkin galgá meannudit:

a.                           Jáhkedieđáhus

b.                           Dárkkistuvvon rehketdoallu

c.                           Bušeahtta

d.                           Miellahttomáksu

e.                           Doaibmapláná

f.                             Dieđihuvvon áššit

g.                           Válggat:

i. Jođiheaddji ja persovnnalaš várremiellahttu + nubbinjođiheaddji ja persovnnalaš várremiellahttu

ii. Dasa lassin vel golbma stivramiellahtu ja persovnnalaš várremiellahtu

iii. Revisora

iv. Válgalávdegoddi

2. Áššiid maid dábálaš jahkečoahkkin galgá meannudit fertejit leat stivrra hálddus maŋemusat 4 vahku ovdalgo jahkečoahkkin dollojuvvo.

3.Áššit mat bohtet beare maŋŋit váldot fárrui áššelistui ja áššit maid jahkečoahkkin evttoha, sáhttet meannuduvvot jus jahkečoahkkima 2/3 eanetlohku dohkkeha dan.

4. Liigejahkečoahkkin dollojuvvo go stivrra eanetlogu mielas lea dárbu dahkat dan dahje go unnimusat 1/4 oassi miellahtuin gáibida dan čálalaččat.

5. Jienastanvuoigatvuohta lea sus guhte lea máksán ovddit dahje dán jagi miellahttomávssu. Fápmudusaid ii sáhte geavahit.

6. Jahkečoahkkima almmolaš giella lea sámegiella.

§4. Prokura

Stivra dieđiha prokura.

§5. Njuolggadusaid rievdadeapmi

Evttohusaid rievdadit njuolggadusaid galgá sáddet stivrii 6 vahku ovdal jahkečoahkkima. Stivra lea geatnegahtton ovdanbidjat evttohusaid njuolggadusrievdadusaide čuovvovaš jahkečoahkkimii. Njuolggadusrievdadusaid sáhttá dušše dahkat jus jahkečoahkkima sáttaolbmuin 2/3 eanetlogu doarju dan.

§6. Heaittiheapmi

Sámi Filbmabargiid Searvi sáhttá heaittihuvvot go 2/3 eanetlohku dan mearrida boahtte guovtti čuovvovaš jahkečoahkkimis mat dollojit unnimus 2 mánu gaskkain.

§7. Stivra

Oktiibidjan
Jahkečoahkkin sáhttá mearridit honorára § 3. čuoggá 1 c) mielde
Stivrra eanetlohku sáhttá ođđasit vuođđudit stivrra oktiibidjama § 3 čuoggá 4. mielde.