Davviriikkalaš jorgalandoarjja – sámegielas eará davviriikkalaš gielaide

Masa doarjja lea oaivvilduvvon

Davviriikkalaš Ministtarráđi dáidda- ja kulturprográmma lea joaŧkán girjjalašvuođa jorgalandoarjjaortnegiin. Jorgalandoarjja lea oaivvilduvvon lágádusaide jorgalahttit girjjiid sámegielas davviriikkalaš gielaide, mat leat dáro-, ruoŧa-, suoma, dánskka, islándda-,fearsullo ja ruonáeatnangielat. Ulbmil ortnegiin lea juohkit ja dovddusin dahkat davviriikkalaš girjjálašvuođa. Doarjjaortnega ulbmil lea Davviriikkain almmuhit buriid girjjiid maiddái eará davviriikkalaš gielaide.

Doarjja juolluduvvo jorgalit poesiija,- drámatihka,- mánáid- ja nuoraidgirjjiid. Dasa lassin sáhttá ohcat doarjaga sámegiel fágagirjjálašvuođa girjjiide main lea kultuvrralaš ja dáiddalaš sisdoallu. Sáhttá maiddái ohcat doarjaga buvttadit sámegielgirjjiid jorgaleami eará davviriikkalaš gielaide.

Dábálaččat ii juolluduvvo doarjja jorgalit:

  • dieđálaš čállosiid ja duŧkanrápportaid
  • bargo- dahje fitnodatgullevaš girjjiid
  • ohcangirjjiid (oppsalgsverk), faktagirjjiid
  • oahppogirjjiid
  • jahkegirjjiid ja eará girjjiid mat lea oaivilduvvon báikkálaš olbmuide
  • astoáigegirjjiid, máŧkegirjjiid, borramušgirjjiid ja eará sullosaš girjjiid

Ohcanáigemearri

Ohcanáigemearri lea čakčamánu 1. beaivi 2020.

Registrere iežat ohccin

Leago dus juo konto? Logge sisa dákko.

Ohcan

  • ohcama ferte deavdit ohcanskovvái mii lea SDR websiidduin, ohcama ii sáhte sáddet e-poastta dahje poastta bokte.
  • Ferte maid sáddet guokte gáhppálaga girjjis masa ozat doarjaga dán čujuhussii: Sámi Dáiddárráđđi, Boks 23, N-9735 Kárášjohka
  • girji ferte leat almmuhuvvon sámegillii ovdal ohcá jorgalandoarjaga
  • mearriduvvon ruhtajuolludeapmi dahje ruhtajuolludanbiehttalus lea loahpalaš ja ii dan sáhte váidalit

Go doarjja lea juolluduvvon

  • Girjjis, masa lea juolluduvvon jorgalandoarjja, galgá leat Davviriikkalaš Ministerráđi logo: Viečča dan dás (Adobe Illustrator): http://design.norden.org/logo
  • Lágádus galgá raporteret go girji lea válmmas.
  • Lágádus sádde ovtta girji Sámi dáiddárráđđái, Nordens Husii ja Davviiriikkalaš ministerráđđái.
Oktavuohta davviriikkaide mat leat mielde NordLit fierpmádagas:

• Sápmi: Sámi Dáiddárráđđi, Mona Kemi, +47 94 78 04 51
www.samidaiddar.no

• Ruoŧŧa: Susanne Bergström Larsson, Statens kulturråd, +46-8-519 264 83.
Eanet dieđut geahča  www.kulturradet.se

• Dánmárku: Annette Bach, Slots- og Kulturstyrelsen / Litteratur & DEFF, +45 3373 3373.
Eanet dieđut geahča  www.kunst.dk

• Suopma: Tiia Strandén, FILIs delegasjon, +358 40 5820975.
Eanet dieđut geahča  www.finlit.fi/fili

• Islánda: Gréta María Bergsdóttir, The Icelandic Literature Center, +354 552 8500.
Eanet dieđut geahča www.islit.is/en

• Fearsullot: Urd Johannesen, Faroese Literature (FarLit).
Eanet dieđut geahča www.farlit.fo/grants

• Ruonáeanan: Juaaka Lyberth, Grønlands Forfatterforening.
Eanet dieđut geahča www.atuakkiortut.gl

• Norga: Margit Walsø, NORLA, +47 23 08 41 07.
Eanet dieđut geahča www.norla.no