Dáiddafoanda

Dáiddafoanddas sáhttá ohcat doarjaga ovttasbargoprošeavttaide ja Ad hoc ruđaid.

Dáiddafoandda ovttasbargoprošeavttat

Foandda ruhta galgá geavahuvvot dáiddagaskasaš ovttasbargoprošeavttaide main leat uhcimus guokte dáiddársuorggi, dahje ovttasbargoprošeavttaide sámi dáiddáriid gaskka, ja sámi dáiddáriid ja eará eamiálbmot dáiddáriid gaskka. Sáhttá ohcat doarjaga 200 000 ruvnnu rádjái.  Ruhta juolluduvvo dušše prošeavttaide mat álggahuvvojit ohcanjagi, iige prošeavttaide mat leat jo álggahuvvon dahje heaittihuvvon. Ohccit eai sáhte vuordit oažžut prošeavtta ollásit ruhtaduvvot Dáiddafoandda ruđaiguin. Ohccit eai sáhte vuordit máŋgii oažžut doarjaga seamma prošektii.

Ohcanáigemearri ovttasbargoprošeavttaide lea 10.01. juohke jagi.

Eanet dieđut: NJUOLGGADUSAT OVTTASBARGUPROŠEAVTTAT

Ad hoc

Dáiddafoanda juolluda Ad hoc ruđaid ja ruđaid ovttasbargoprošeavttaide. Ad hoc lea meroštuvvon dáiddáriid fágalaš ovddaneapmái ja ruhta galgá atnot oanehisáigge prošeavttaide maidda dáiddár ii leat sáhttán ohcat eará ruđa. Ad hoc galggašii veahkehit dáiddáriid guđet fáhkka ožžot fálaldaga searvat festiválaide, konsearttaide, čájáhusaide, kurssaide jna. ja sii geat sáhttet ohcat leat ovttaskas dáiddárat geat leat miellahttut Sámi Dáiddárráđi dáiddárservviin. Sáhttá ohcat doarjaga 25000 ruvnnu rádjai.

Ohcanáigemearit leat 10.01., 10.04., 10.06. ja 10.09.

Eanet dieđut: NJUOLGGADUSAT AD HOC

 

Raporteren

Jus dutnje lea juolluduvvon doarjja, de sáhtat luđet raportaskovi  ja sáddet dan e-poastta bokte stip@samidaiddar.no dahje poastta mielde čujuhussii Dáiddafoanda, Poastaboksa 23, N-9735 Kárášjohka.

RAPORTA OVTTASBARGUPROŠEAKTA DAHJE AD HOC