JUOIGIID SEARVVI NJUOLGGADUSAT

§ 1.         NAMMA

Searvvi namma lea Juoigiid Searvi.

§ 2.        ULBMILAT

  • ovddidit ja seailluhit árbevirolaš juoigama ja dajahallama
  • ovddidit ja nannet luðiid vuoigatvuoða dili
  • geahččalit ásahit ekonomalaš doarjjaortnegiid juoigiide nugo stipeanddaid, foanddaid ja eará ekonomalaš gaskaomiid
  • fuolahit ahte luoði olggosaddinvejolašvuoðat buoriduvvojit
  • fállat fágalaš bagadeami ja oahpaheami sidjiide geat háliidit luðiin bargat
  • ásahit ovttasbarggu eará dáiddajoavkkuiguin dahje eará orgánaiguin jus oaidná dárbbašlažžan.

§ 3.        MIELLAHTTOVUOHTA

Juoigiid Searvvi miellahttun sáhttá beassat juoigi gii hálddaša árbevirolaš  juoigansuopmana ja máhttá juoigankultuvrra.Sámi nuorat, badjel 18 jahkásaččat, juiget 5 luoði maid sáddejit Juoigiid Searvái.Juoigiid Searvvi nammada lávdegottiid iešguđet juoiganguovlluin. Luođit sáddejuvvojit Juoigiid Searvái mii lágida luđiid rivttes lávdegottiide mat árvvoštallet juoiganmáhtu. Juoigit sáhttet ieža váldit oktavuođa lávdegottiiguin.

Searvvi stivra mearrida galgá go ohcci dohkkehuvvot miellahttun. Ohcci gean stivra ii leat dohkkehan miellahttun sáhttá váidalit ášši jahkečoahkkimii mii galgá nammadit sierra lávdegotti guorahallat ášši.

Miellahttovuohta sáhttá sihkkojuvvot jus miellahttu rihkku searvvi njuolggadusaid dahje jus jahkečoahkkin oaivvilda ahte lahttu lea vuosttaldan searvvi ulbmiliid.

Miellahttovuohta sihkkojuvvo jus ii leat máksán miellahttomávssu jagi lohppii.  Sihkkojuvvon miellahttu sáhttá ohcat miellahttovuoða oððasit.

§ 4.     JAHKEČOAHKKIN

Jahkečoahkkin lea searvvi alimus mearrideaddji.Jahkečoahkkimii gohččun sáddejuvvo miellahtuide 1 mánu ovdal čoahkkima.  Áššebáhpárat sáddejuvvojit miellahtuide 2 vahku ovdal jahkečoahkkima.

Áššit maid miellahtut háliidit jahkečoahkkima ovdii sáddejuvvojit stivrii 3 vahku ovdal jahkečoahkkima.  Dušše áššit mat dáinna lágiin leat ovddiduvvon sáhttet ovdanváldojuvvot ja gieðahallot jahkečoahkkimis.

Jahkečoahkkináššit:

  1. Jahkečoahkkináššit:
  2. Stivrra jahkedieðáhus
  3. Rehketdoallu
  4. Bušeahtta
  5. Doaibmaplána
  6. Lahttomávssu sturrodat
  7. Áššit maid stivra dahje miellahtut evttohit
  8. Evttohusat ja cealkámušat
  9. Boahtte jahkečoahkkima báikki ja áiggi
  10. Válljemat

Ovdaolbmo, stivralahtuid ja sadjásaččaid válljen

Ruhtadárkkisteaddji válljen

Eará válljemat

§ 5.        LIIGEJAHKEČOAHKKIN/MIELLAHTTOČOAHKKIN

Liigejahkečoahkkin/miellahttočoahkkin dollojuvvo go stivra dahje eanetlohku miellahtuin dan gáibidit.

§ 6.        SÁMI DÁIDDÁRRÁĐĐI JA EARÁ LÁVDEGOTTIT

Sámi Dáiddárráđi Jođihanforumii válljejuvvo jođiheaddji.  Sadjásažžan válljejuvvo nubbinjođiheaddji dahje muhtin stivrras. Sii doibmet Sámi Dáiddárráđis nu guhká go sii leat ovddasteaddjin searvvis. Jahkečoahkkin dahje stivra sáhttá ásahit erenoamáš bargojoavkkuid, lávdegottiid ja ráðiid.

§ 7.        STIVRA

Stivra lea searvvi barggu láidesteaddji ja stivralahtuid válljen galgá ovddastit olles Sámi mii lea JS doaibmaguovlu, davvi-, julev-, mátta- ja nuortasámi (Norga, Suopma, Ruoŧŧa ja Ruošša).

Stivrras leat vihtta (5) lahttu. Ovdaolmmoš, nubbinovdaolmmoš  ja 3 stivralahtu. Stivrii válljejuvvojit 3 várrelahtu.

Stivra válljejuvvo 2 jahkái hávil. Bealli stivralahtuin válljejuvvo juohke nuppi jagi. Áirasat sáhttet oððasis válljejuvvot go sin áigodat lea nohkan.Stivračoahkkimis lea mearridanváldi go ovdaolmmoš ja guokte eará lahtu leat čoahkkimis.

Dalle go jienat stivračoahkkimis mannet dásil 2 ja 2, de ovdaolbmo jietna mearrida čoahkkima mearrádusaid.

Ovdaolmmoš čállá áššelisttuid ja gohčču stivračoahkkimii. Stivračoahkkin dollo jus uhcimusat golbma stivralahtu dan gáibidit.

§ 08.     JIENASTEAMIT

Stivrra-, lahtto- ja jahkečoahkkimiid mearrádusat dahkkojit dábálaš eanetlogu jienastemiin. Jus jienat juohkásit dássálagaid, de jienastuvvo oððasit.  Lahtto- ja jahkečoahkkimiid jienasteamit dollojit čálalaččat jus soames gáibida.

§ 09.    RUHTAHOIDU

Searvvi prokura lea guoktásis, ovdaolbmos ja nubbinovdaolbmos/váldočállis.

§ 10.    GUDNEMIELLAHTUT

Searvvi gudnemiellahttun besset badjel 65 jahkásaččat guđet leat leamaš 10 jagi miellahttun.

§ 11.    NJUOLGGADUSAID NUPPÁSTUHTTIN

Njuolggadusaid sáhttá nuppástuhttit jus uhcemustá 2/3 oassi jahkečoahkkimis gáibida nu dahje § 4 vuođul.

§ 12.    HEAITTIHEAPMI

Searvvi sáhttá heaittihit jus uhcemustá ¾ lahtuin mearridit nu čálalaš jienasteami bokte.  Jus searvi heaittihuvvo, de galgá searvvi opmodat geavahuvvot luoði ovddideapmái.

Dohkkehuvvon Juoigiid Searvvi vuoððudančoahkkimis 14.11.98.

Rievdaduvvon jahkečoahkkimis 16.02.02,  jahkečoahkkimis 22.3.03,  jahkečoahkkimis 25.02.12 ja jahkečoahkkimis Ubmis 08.03.2014.