Davvisámegiella 
English 
Norsk 
Suomi 
Pусский 
Åarjelsaemiengïelese Dáiddafoanda
Dáiddafoanddas sáhttá ohcat doarjaga ovttasbargoprošeavttaide, Ad hoc ruđaid ja liige ruhtajuolludeamit.
Dáiddafoanda liige ruhtajuolludeamit
Covid-19 pandemiija geažil leat ollu sámi dáiddárat šaddan dan dillái ahte lea massán buot sisaboahtu dahje stuorra oasis sisaboađus. Sáhttá leat ahte ii čađahuvvo konseartat, čájáhusat, čájálmasat ja nu an viidásat.
Váttis dili geažil lea Sámediggi juolludan liige ruđaid Dáiddafondii oktiibuot 800 000 NOK. Liige juolludeamit lea gaskaboddosaš ortnet.
Go dilli lea nu ahte iešguđetge lágan dáiddárat ii sáhte doallat/oasálastit stuorát doaluide ja maid ii sáhte johtit nu go ovdal, mii dál rahpat vejolašvuohta ovdanbuktit sámi dáidaga ja kultuvra eará láhkai olbmuide. Ulbmil lea movttiidahttit ja beassat geahččaladdat vaikko buot lea gáržžiduvvon Coronavirusa geažil, muhto maid movttiidahttit hutkat ođđa bargovugiid, ovdanbuktin-báikiid ja iešguđetge lágan vugiid ollet gehčiid. Muhto dáidda leat dus eará jurdagat/ideat mainna háliidat bargat mii ovdanbuktá du dáiddadoaibma dahje bargu.
Mii dáhtut buohkaid lohkat njuolggadusaid ovdal go álggat ohcat.
Dáiiddafoanda liige njuolggadusat (pdf)
Dáiiddafoanda liige njuolggadusat (word)
Ohcanskovvi gávnnat dás:
Leago dus juo konto? Logge sisa dákko.
Dáiddafoandda ovttasbargoprošeavttat
Foandda ruhta galgá geavahuvvot dáiddagaskasaš ovttasbargoprošeavttaide main leat uhcimus guokte dáiddársuorggi, dahje ovttasbargoprošeavttaide sámi dáiddáriid gaskka, ja sámi dáiddáriid ja eará eamiálbmot dáiddáriid gaskka. Sáhttá ohcat doarjaga 200 000 ruvnnu rádjái. Ruhta juolluduvvo dušše prošeavttaide mat álggahuvvojit ohcanjagi, iige prošeavttaide mat leat jo álggahuvvon dahje heaittihuvvon. Ohccit eai sáhte vuordit oažžut prošeavtta ollásit ruhtaduvvot Dáiddafoandda ruđaiguin. Ohccit eai sáhte vuordit máŋgii oažžut doarjaga seamma prošektii.
Ohcanáigemearri ovttasbargoprošeavttaide lea 10.01. juohke jagi.
Eanet dieđut: LÁIDAGAT OVTTASBARGUPROŠEAVTTAT PDF
LÁIDAGAT OVTTASBARGUPROŠEAVTTAT DOCX
Leago dus juo konto? Logge sisa dákko.
Ad hoc
Dáiddafoanda juolluda Ad hoc ruđaid ja ruđaid ovttasbargoprošeavttaide. Ad hoc lea meroštuvvon dáiddáriid fágalaš ovddaneapmái ja ruhta galgá atnot oanehisáigge prošeavttaide maidda dáiddár ii leat sáhttán ohcat eará ruđa. Ad hoc galggašii veahkehit dáiddáriid guđet fáhkka ožžot fálaldaga searvat festiválaide, konsearttaide, čájáhusaide, kurssaide jna. ja sii geat sáhttet ohcat leat ovttaskas dáiddárat geat leat miellahttut Sámi Dáiddárráđi dáiddárservviin. Sáhttá ohcat doarjaga 25000 ruvnnu rádjai.
Ohcanáigemearit leat 10.01., 10.04., 10.06. ja 10.09.
Eanet dieđut: LÁIDAGAT AD HOC PDF
LÁIDAGAT AD HOC DOCX
Leago dus juo konto? Logge sisa dákko.
Raporteren
Jus dutnje lea juolluduvvon doarjja, de sáhtat luđet raportaskovi ja sáddet dan e-poastta bokte stip@samidaiddar.no dahje poastta mielde čujuhussii Dáiddafoanda, Poastaboksa 23, N-9735 Kárášjohka.