Davvisámegiella 
English 
Norsk bokmål 
Suomi 
Pусский 
Åarjelsaemiengïelese 
Juoigiid Searvvi jahkečoahkkin 2021 gáibida ahte Ola Graff ovddeš virgái virgáduvvo bargi farggamusat. Juoigiid Searvvi mielas lea dehálaš ahte Tromssa univesitehta ain áimmahuššá luohtevuorkká. Dán vuorkkás lea dehálaš ja ávkkálaš luohteávnnas vurkejuvvon, mii galggašii albmosin dahkkot ja leat olámuttos sámi servodahkii.
Juoigiid Searvvis lea máŋggaid jagiid leamaš gulahallan Tromssa Universitehtain mo livčče vuohkkaseamos hálddašit luohteávdnasa, nu ahte servodat sáhttá dan ávkkástallat, muhto min dieđuid mielde de ii leat vel gávdnon vuogas čoavddus boahttevaš hálddašeami ektui. Dát lea dehálaš bargu mii ii berre gaskkalduvvat.
Luohteávdnasa hálddašeapmi lea stuorra ášši mii maid guoská eará vuorkkáide miehtá davviriikkaid gosa luođit leat vurkejuvvon, ja Juoigiid Searvi ovttas Tromssa Universitehta leat mielde davviriikkalaš fierpmádagas, gávdnat oktasaš hálddašeami čovdosa.
Juoigiid Searvi
Oktavuođadieđut: Ovdaolmmoš Karen Anne Buljo, tlf. 46852630