Preassadieđáhus – Sámi Dáiddáriid ja Girječálliid buhtadusfoandda (SDGB) stipeanddajuolludeapmi 2025

Sámi Dáiddáriid ja Girječálliid buhtadusfoandda (SDGB) stipeanddajuolludeapmi 2025

Sámi Dáiddáriid ja Girječálliid buhtadusfoanda (SDGB) lea dán jagi juolludan 31 stipeandda ja oktiibuot 2,07 miljovdna ruvnnu sámi dáiddáriidda ja girječálliide. Ohcanáigemearri lei golggotmánu 15. beaivi 2024, ja 30 dáiddára ja girječálli sáddejedje stipeandaohcamušaid. SDGB hálddaša bargostipeanddaid, mátkestipeanddaid, čájáhusstipeanddaid, prošeaktastipeanddaid, álggahanstipeandda, ávnnasstipeanddaid ja stipeanda eallilan dáiddáriidda. Stipeanddat leat 1 jagi ovddas.

SDGB lea ollujagiid váldán vuostá ohcamušaidpoastta bokte, muhto lea dán jagi bargamin ovttas Sámi Dáiddárráđiin (SDR) ráhkadit digitála ohcanskoviid, mii almmuhuvvo čakčat 2025. Dát šaddá seamma láhkai go eará sámi doarjjaortnegiid maid SDR hálddaša. Dáinna lágiin šaddá boahtteáiggis álkibut sámi dáiddáriidda ja girječálliide ohcat doarjagiid ja stipeanddaid SDGB:s.

Loga eanet: SDGB stipeanddat 2025