Preassadieđáhus – Sámi Dáiddárráđis, (SDR), lea ođđa jođiheaddji ja nubbinjođiheaddji

Sámi Dáiddárráđis, (SDR), lea ođđa jođiheaddji ja nubbinjođiheaddji
Sámi Dáiddárráđi (SDR) liige jahkečoahkkinis njukčamánu 20 beaivvi 2024 válljejuvvui Klemet Anders Buljo, Sámi Komponisttaid searvvis (SK) ođđa jođiheaddjin jahkái.

Son váldá badjelasas jođihandoaimma maŋŋá Karen Anne Buljo Juoigiid Searvvis (JS). Lene E. Westerås Sámi Dáiddačehpiid Searvvis (SDS) válljejuvvui nubbinjođiheaddjin.

Sámi Dáiddárráđđi lea goavdesearvi čieža dáiddársearvái: Sámi Komponisttat /Samiske Komponister (SK), Sámi Lávdi / Samiske Teaterarbeidere (SL), Juoigiid Searvi (JS), Sámi Filbmabargiid Searvi / Samiske Filmarbeiderforbund (SFS), Sámi Dáiddačehpiid Searvi / Samisk Kunstnerforbund (SDS), Mun dajan/ Foreninga samiske forfattere (MD) ja Sámi Girječalliid Searvi / Samisk Forfatterforening (SGS).

SDR lei bovden liige jahkečoahkkinii ságastallat ođđa stivramálle ja rievdadit njuolggadusaid. Eanetlohku miellahttoservviin dorjo njuolggadus rievdadusa, ja stivramálle mas leat čieža stivralahtu, ja buot ovddasteaddjit leat miellahttoservviid beales.

SDR galgá ovddidit miellahttoservviid ekonomalaš, dáiddafágalaš ja dáiddapolitihkalaš beroštumiid, ja hukset fierpmádaga ja oainnusin dahkat sámi dáiddáriid miehta Sámi.

Oktavuođaolmmoš: stivrajođiheaddji Klemet Anders Buljo, tlf. 48055885

Pressemelding SDR – nytt styre