Jahkečoahkkincealkámuš Davvinorgga Dáiddamusea birra

Jahkečoahkkincealkámuš Davvinorgga Dáiddamusea birra

Davvinorgga Dáiddamusea (NNKM) lea musea mii lea stuorra hástalusaid siste, go leat direktevrra haga, ja álbmogis, dáiddáriin ja iežas bargiid gaskkas ii leat luohttámuš stivrii.
Dáinna duogážiin oaivvilda Sámi Dáiddačehpiid Searvvi jahkečoahkkin 2021 ahte Savio bálkkašupmi berre sirdojuvvot ásahussii masa dáiddabiras ja  Sámiálbmot luhttet.

Sámi Dáiddačehpiid Searvvi jahkečoahkkin 2021 doarju Lásságámmi ja Sámiid Vuorká-Dávviriid árvvoštallama ahte eai luoikat Áillohaš/Nils-Aslak Valkeapää dáidaga musea plánejuvvon čájáhussii otnáš dilli geažil.
Sámi Dáiddačehpiid Searvi jahkečoahkkin 2021 ávžžuha NNKM dálá stivrra geassádit iežaset doaimmas. Dušše dán láhkái sáhttá ođđasit álgit bargat hukset luohttámuša Davvinorgga Dáiddamuseii.

SÁMI DÁIDDAČEHPIID SEARVVI JAHKEČOAHKKIMIS CUOŊOMÁNU 24.B. 2021