Venice Biennale 2022

Čájáhus: Cuoŋumánu 23 b. – Skábmamánu 27 b. 2022

Pauliina Feodoroff, Máret Ánne Sara, Anders Sunna. Govvijeaddjit: Per-Josef Idivuoma, Marie Louise Somby, Erik Persson.

Office for Contemporary Art Norway (OCA) álmmuha odne Sámedikkis Kárášjogas, ahte sámi dáiddárat Pauliina Feodoroff, Máret Ánne Sara ja Anders Sunna galget ovddastit sin ruovttubáikki, Sámi. Sii galget nuppástuhttit dan davviriikkalaš paviljonga Sámi paviljongan 59. dáiddabiennálas Venezias 2020. Dá lea historjjálaš dáhpáhus – Vuosttaš geardde lea sámi dáiddáriin iežas nationála paviljonga Venezia-biennálas, ja vuosttaš geardde lea Sápmi dohkkehuvvon našuvdnan paviljongas mii guoddá iežas nama, Sápmi.

Rievdadus davviriikka paviljongas sámi paviljongii  duođašta sámiid vuoigatvuođa iešstivrejupmái iežas ruovtturiikkas, Sámis, guovlu mii gávdnui ovdal dan konseapta davviriikalaš regiovdna birra. Sii ovdanbuktet dasto paviljonga mii fátmmasta buot riikkaid ja álbmoga ovtta regiovnnas mas álgovuolggalaččat eai lean ráját. Dát lea symbolalaš vástádus koloniála politihkkii mii geahččalii sihkut sámi eatnama ja kultuvrra.

Nammadeamis Feodoroff, Sara ja Sunna, sávvá OCA, doaimmadeaddji davviriikalaš paviljongii 2022, sirdit fuomášumi dáid ovdavázzi dáiddáriidda, ja dan internationála čuožžovašvuhtii mii sin individuála ja oktasaš historjjás lea.  Sin dáidda deattuha fáhkkatlaš dilálašvuođa maid máŋggat sámit ja eará eamitálbmogat vásihit odne iešmearrideami, rievtti eatnamiid ja čáziide, ja meahccebillisteami ektui. Dán golmma dáiddáriidda lea erenoamážit dehálaš gáhttet boazodili ja guolásteami mat leat guovddážis sin eallinvuođus. Sin sámi eallinvugiid ja máhtovuogádaga čađa sii reflekterejit dáid váttisvuođaid ja dan lágiin buvttadit sihke čáppa ja fámolaš bargguid. Dát dahká sin erenoamážin dálááiggi dáiddamáilmmis.

Teaksta ja govva vižžon OCA’s. Jorgaluvvon SDR’as

Loga eanet (OCA) : https://oca.no/venice-biennale/venice-biennale-2022-20220423/?lang=no

Loga eanet (Sámediggi) : https://sametinget.no/oddasat/sami-daiddarat-mailmmi-stuorimus-daiddadahpahussii.8332.aspx?sprak=12