Luohtebidjan gilvu 2022

Sámiid Vuorká-Dávvirat lea sámi kulturhistorjjálaš musea Kárášjogas mii ávvuda 50 jagi dán jagi, 2022! Musea lei vuođđuduvvon vuosttas sámi kulturásahussan Norggas jagis 1972.

Dan oktavuođas hástá Juoigiid Searvi ovttas RiddoDuottarMuseain, man vuollái Sámiid Vuorká-Dávvirat gullá, bidjat luođi Kárášjoga museai. Vuođđodieđut Sámiid Vuorká-Dávvirat museabirra: Sámiid Vuorká-Dávvirat | RiddoDuottarMuseat (rdm.no) Lassedieđuid oažžu musea 50 jagi koordináhtoris: Paula Rauhala paula@rdm.no dahje tlf.

Juoigiid Searvi almmuha dákko bokte luohtebidjan gilvvu.
Vuoitu lea 10 000 kr.
Jus juoiggat vel vuoitoluođi lávddis de lea honorára 6000 kr. Juoigiid Searvi veahkeha luohtebiddji ja RiddoDuottarMusea dieđihit luođi TONOi.

Dat ii dárbbat leat miellahttu Juoigiid Searvvis. Buohkat sáhttet sáddet luođi dán áigemeari sisa : 15.11.22
Sádde jietnafiilla orgsekr@samidaiddar.no dahje karen.anne.buljo@gmail.com

Hás don juoiggastat!

Juoigiid Searvvi stivra