NORDIC BRIDGES 2022 – CANADA

NORDIC BRIDGES 2022 – CANADA
https://www.norden.org/no/news/kulturinitiativet-nordic-bridges-utsettes-til-2022

Juoigiid Searvvi ovddas lean bargagoahtán oažžut saji Canadai miellahtuide Jagis 2022s. Dan oktavuođas dárbbahivččen dál dieđuid dis din birra.
Man gillii: Dii čállibehtet man gillii din mielas lea álkimusat ovdanbuktit ja de Juoigiid Searvi jorgalahtta daid eaŋgalasgillii.

Govva, Govat: Don bijat ovtta dege guokte gova mielde. Daid govaid geavahan mun go ovdanbuvttán Canada konseptii. Don fertet čállit govvejeaddji nama.

CD: Leat go almmuhan CD skearruid ieš. Leat go muđui leamaš luohte buktagiin mielde, (CD,Spotify ja nu ain) Jus dus leat liŋkkat jietnafiillaide de áinnas bija daid mielde.
Makkár lávddiin leat leamaš maid háliidat muitalit. Sámi Grand Prix ja nu ain.

Makkár oktavuođain/konseptain don háliidivččet juoigat?
Biografija, dieđut du birra: Dábálaš dieđut, namma, guđeguovllus eret.

Mun barggan maiddái Sámi Girječálliid Searvvi ovddas dán Canada Festivála oktavuođain, nu ahte jus dus leat miella bargat muhtun girječálliin ovttas lávddis de sáhtát evttohit dan.

Fuomáš: Dá leat vuos álgo dieđut, mun bijan dieđusge eambbo dieđuid.

Mus lea Juoigiid Searvvi stivra geaiguin gulahalan.

Mii leat ságastallan dan ahte mii sáhtašeimmet doallat jahkkečoahkkima omd Canadas boahtte jagi.
Jus dus leat jearaldagat dán ektui dál de sáhtát čálistit Sámidáiddarráđđái ja bidjat jearaldagaid ja mun vástidan nu bures go vejolaš
Juoigiid Searvi

Oktavuođadieđut:  Karen Anne Buljo, tlf. 46852630