John Savio-bálkkašumi 2019 geigejuvvo Aage Gaup

John Savio-bálkkašumi juohká Bildende Kunstneres Hjelpefond (Govvadáiddáriid Veahkkefoanda), ovttas Sámi Dáiddárservviin ja Nordnorsk Kunstmusean (Da. Bálkkašupmi mas lea ulbmilin fuomášahttit dáidagiid main lea vuođđu sámi kultuvrras, mii lea vuolggasadjin bálkkašumi vuoiti bargguin.

John Savio-bálkkašumi leat ásahan Govvadáiddáriid Veahkkefoanda ovttas Sámi Dáiddárservviin ja Davvi Norgga dáiddamuseain. Bálkkašupmi lea 150 000 ruvnnu ja juhkkojuvvo juohke nuppi jagi, ja galgá addojuvvot dáiddárii geas lea sámi duogáš ja identitehta, ja gean Norgga dáiddasuorggis leat erenoamážit mearkkašan, prošeavttaid bokte mat leat earenoamážat dálá áiggis dahje dáiddára čohkkejuvvon dáiddárbargguid geažil. Bálkkašumiid leat ovdal ožžon Geir Tore Holm ja Britta Marakatt-Labba.

Jury:as jagis 2019 leat leamaš Geir Tore Holm ja Matti Aikio Sámi Dáiddársearvvis, ovttas Charis Gullickson Davvi Norgga Dáiddamuseas. Jury:a ákkastallamis lea ná daddjon:

Aage Gaup lea dovddus iežas solidáritehtalaš oainnu, searvama ja veahkkáivuođa dihtii (…) Iežas nana giehtaduoji máhtolašvuođain ja ávnnasteami áddejumiin lea son čohkken persovnnalaš, politihkalaš ja poehtalaš osiid ollislaš govvan bácciid, govaid, installašuvnnaid ja scenografiija bokte. Dego movttiidahttin John Savio-bálkkašumi 2019 juohkimii háliida jury:a erenoamážit geassit ovdan Aage Gaupa ođđaseamos čájáhusa Dološ giella – ođđa hápmi ja báhtareaddjit/Gammelt språk – ny form og flyktninger Sámi Dáiddaguovddážis/Samisk senter for samtidskunst, Kárášjogas čakčat 2018. Bálkkašupmi juhkkojuvvo rabas doaluid oktavuođas Davvi Norgga Dáiddamuseas čakčamánus.

Iežas dáiddalaš bargohárjáneapmái dadjala bálkkašumi vuoiti ahte sutnje lea dehálaš beassat buktit ovdan iežas oaiviliid visuálalaččat, ja čájehit iežas siskkimuš dovdduid ja iežas oainnu eallimii.

– Lea álo buorre go bargoskihpárat atnet mu árvvus, geaid mielas barggan buori barggu, lasihastá vel son.

Aage Gaup (r. 1943) lea bázzehábmejeaddji, govvačuolli ja grafihkkár gii orru Kárášjogas Finnmárkkus. Son oahpai bázzehábmema Kunstakademias Troanddimis, 1972–1978. Gaupa barggut leat huksejuvvon ea.ea. muoras, betoŋŋas ja metállas. Son lea maiddái bargan scenografiijain filmmaide ja teáhtera várás. Gaupa lea okta dain geat vuođđudedje dan mearkkašahtti Máze dáiddajoavkku. Dáiddajoavku mii vuođđuduvvui 1978s lea dovddus dáidagiid dihtii ja joavkku politihkalaš aktivismma dihtii.

Bálkkašumi vuoiti oažžu 150.000 ru. Bildende Kunstneres Hjelpefond:as. Bálkkašumi geigejupmi dáhpáhuvvá Nordnorsk Kunstmuseum:as.

Geahča kunstfond.no go háliidat eambbo dieđuid.

Oktavuođa dieđut
Billedkunstneres Hjelpefond: Gulahallanráđđeaddi Marius Meli / marius.meli@kunstfond.no / T: 955 20 406
Nordnorsk Kunstmuseum: Gulahallanráđđeaddi Kjetil Rydland / kjetil@nnkm.no / 951 76 509