Sigbjørn Skåden lea ožžon 2026 Davviriikkaid ráđi girjjálašvuođabálkkašumi!

Davviriikkaid ráđđi lea almmuhan Davviriikkaid ráđi bálkkašumiid 2026 vuoitiid namaid. Juohke bálkkašupmi addá 300000 dánskka ruvnnu (DKK), ja bálkkašumit juhkkojuvvojit Davviriikkaid ráđi sešuvnnas Helssegis cuoŋománu 27. beaivvi. Bálkkašumiid juohkkima sáhttá maiddái čuovvut njuolggosáddemis @ norden.org

Sámegielat girjjálašvuođabálkkašupmi vuosttaš geardde 35 jagis
Dá lea maiddái vuosttaš geardde 35 jahkkái ahte Davviriikkaid ráđi girjjálašvuođabálkkašupmi manná sámegillii čállojuvvon girjjálaš bargui. Dan oažžu Sigbjørn Skåden romána “Láŋtdievvá” – mii lea maiddái almmustuvvan norggagillii ja maid sihke sámegielat ja norgga jury lea nomineren bálkkašupmái.

Loga eanet Sigbjørna birra SDR dáiddárkatalogas: https://samidaiddar.no/sami-artist-catalogue/sigbjorn-skaden/

Loga eambbo dán ášši birra @ norden.org: https://www.norden.org/no/nominee/vinner-av-nordisk-rads-litteraturpris-2026